Monday, March 16, 2009

இட்லியும் இருவல்லவர்களும்

"டேய் லண்டன் வந்து ஒரு வாரம் ஆச்சு இன்னும் ஊர் சுத்தி பாக்க கூட போகல ரொம்ப போர் அடிக்குது டா "

"அது சரி தான் ஆனா இன்னைக்கு நம்ப ஹவுஸ் ஓனர் வெளில போறாங்களாம் அதனால நாம தான் இன்னைக்கு வீட்டுக்கு காவல்(நாய்) "

"இது வேறயா.. நம்ம ஊர்ல இருக்கும் பொது கண்டபடி வீக் எண்ட்ல ஊர் சுத்தினதுக்கு இது தான் தண்டனை"

"ஏதோ ஹவுஸ் ஓனர் குஜராத்தியா இருக்கிறது நாள இந்திய சாப்பாடாவது கெடைக்குது அதுக்க்காகவாது இந்த ஹெல்ப் பண்ணி தான் ஆகணும். இது தவிர அவுங்க நமக்கு இட்லி மாவு எடுத்து வச்சுருக்காங்க , நம்மள டிபன் செஞ்சு சாப்ட சொல்லிருகாங்க "

"ரொம்ப நல்லவங்களா இருக்கங்கடா ... நெனச்சாலே கண்ணு கலங்குது .."

"ஓவரா நக்கல் பண்ற "

"பின்ன என்னடா வாரத்துக்கு 100 பவுண்ட் வாங்குறாங்க .. நீ ஏதோ எல்லாத்தையும் ப்ரீயா செய்ற மாதிரி சொல்ற "

"என்னடா இப்படி சொல்ற .. இங்கே ஆன்சைட் வரவனுங்க நம்மூர் சாப்பாட்டுக்கு எவளோ கஷ்டப்படறாங்கனு தெரியுமா"

"ரைட் விடு.. உட்டா கதகாலேட்சபமே பண்ணிடுவ.. எனக்கு பசிக்குது வா இட்லிய வச்சுட்டு எதாவது சட்னி வைப்போம் "

"டேய் நீ சட்னில்லாம் வைப்பியா "

"ஹி..ஹி.. ஹி.. ஒரு ஆர்வத்துல சொல்லிட்டேன். நீ வை நான் பாத்து கத்துகிறேன் "

"அதான பாத்தேன். பண்ணைக்கு போகுமாம் நாயி அத வேடிக்கை பாக்குமாம் பேயி "

"அப்படின்னா!!! "

"பழமொழி சொன்னா அனுபவிக்கணும் ஆராய கூடாது.. ஹா...ஹா "

"நேரம் டா.. உனக்கு கல்யாணம் ஆகணும்ன்ற ஒரே நல்லெண்ணத்துல உன்ன உடறேன் இல்ல இந்நேரம் பறக்கற காக்காவ புடிச்சு மூஞ்சில உட்ருப்பேன் "

"சரி சரி அந்த இட்லி தட்ட எடுத்து மாவ ஊத்து "

"சரிங்க ஆபீசர் .. அந்த மாவு ஊத்துரதுல எதாவது ஸ்பெஷல் டெக்னிக் இருக்குதா "

"பேசாம ஊத்துடா .. கொஞ்சம் கொஞ்சமா சொல்லி தரேன் ..எல்லாத்தயும் இன்னைக்கே சொல்லி தர முடியாது "

"நீ மீண்டும் மீண்டும் என்ன டென்ஷன் பண்ற "

"தட்டெல்லாம் அப்படியே இட்லி பாத்துரத்துல வச்சு அத ஸ்டவ்ல வை "

"இவளோ பண்ண என்னக்கு அத பண்ண தெரியாதா .."

"சரி இப்ப சட்னி செய்றது எப்படின்னு நான் சொல்லி தரேன்.. சத்தம் போடாம கேக்கணும் "

"கேக்றேன் டா கேக்றேன் ..ஆனா இந்த பணிவு நாளிக்கு ஆபீசுல கோடிங் ஹெல்ப் நீ கேக்கும் போது இருக்கணும்.. ஞாபகம் வச்சுக்கோ "

"கோவிச்சுக்காதே டா .. தெரியாததை தெரிஞ்சவன் கிட்ட கேக்கிறது தான முறை "

"இப்படியே நைசா ஜகா வாங்கிடு டா "

"சரி .. மொதல்ல சட்னி செய்றதுக்கு ப்ரிட்ஜ் தொறந்து வேண்டிய பொருட்கள எடுக்கணும்.. நீ ப்ரிட்ஜ் தொற நான் சொல்றேன் "

" இதுல தேங்காய் இருக்கு.. பச்சைமிளகாய் இருக்கு.. வருத்த வேர்கடலை இருக்கு.. இஞ்சி..பூண்டு..முட்டை ..இதுல எதெத எடுக்கணும் "

"எல்லாம் ரைட் அது எதுக்கு சட்னி வைக்க முட்டைய சொல்ற.."

"ஒ ..முட்டைய வச்சு சட்னி வைக்க முடியாதா "

"முடியாது....."

"ஆனா எவனையாவது திட்டும் போது மட்டும்.. அடிச்சு சட்னி ஆக்கிடுவேனு திட்ற "

"ரொம்ப நியாயமான ஒரு கேள்வி.. நீ இன்னைக்கு சாப்டாம இருக்கறதா பத்தி என்ன நெனைக்கிற "

"டேய் ..டேய் ..சும்மா வெளயாடுனேன் டா "

"சரி ப்ரிட்ஜ்ல ரெண்டாவது ட்ரேல ஒரு பாத்திரம் இருக்கு பார் அத வெளில எடு"

"இந்தா பிடி..இதுல என்னடா இருக்கு.. உண்மையா எனக்கு இப்ப சட்னி எப்படி வைக்றதுனு தெரிஞ்சுக்கணும் போல இருக்கு "

"இதுல நேத்து ஹவுஸ் ஓனர் வச்ச சட்னி இருக்கு ..அத சூடு பண்ணா இன்னைக்கு சட்னி ரெடி "

"உன் கூட உக்காந்து சாப்பிடறதுக்கு போய் நாலு தெருவுல பிச்சை எடுத்து சாப்பிடலாம் .. லண்டனா இருக்கிறது நாள உன் மொக்கையெல்லாம் கேட்டு உன் மூஞ்சிய பாத்துகிட்டே சாப்பிடனும்ற தலவிதி "

"தல விதி தான் சரி இல்லையே டா.. எல்லா படமும் ப்ளாப்பாமே ? "

"இப்ப ஏன்டா தல பிரச்சனைய கிளப்புற .. பசிக்குது டா ..சாப்டலாமே "

"சாப்டலாம் டா .. கஷ்டப்பட்டு சட்னி ரெடி பண்ணியாச்சு .. ஆனா இன்னும் இட்லி குக்கர் விசில் வரலையே "

"வச்சு 10 நிமிஷம் ஆச்சுடா .."

"இன்னும் ஒரு 5 நிமஷம் வெயிட் பண்ணுவோம் "

"சரி நீ சமைக்க எப்படி டா கத்துகிட்ட.. நானெல்லாம் தனியா இருந்திருந்தா ரொம்ப கஷ்டப்பட்டு இருப்பேன்..வந்த ஒரு வாரத்துல ஹவுஸ் ஓனர் புண்ணியத்துல நல்ல சாப்பாடு .. இன்னைக்கு தான் உன் சமையல் கை பக்குவம் தெரியும் .நீ மத்யானம் நல்ல சமைச்சா நாம தனியா வீடெடுத்து போலாம் டா.. சீப்பா இருக்கும் "

"டேய் மெட்ராஸ்ல இருக்கும் போது எங்க ரூம்ல நான் தாண்டா சமைப்பேன் ..அவன் அவன் நாக்க தொங்க போட்டுட்டு வந்து நிப்பான் தெரியுமா "

"i am very lucky to have you as my room mate da."

"சரி ஏதோ தீயற வாசனை வருதே..என்னனு பாரு"

"இட்லி குக்கர்ல இருந்து வருது டா "

"ஸ்டவ் ஆப் பண்ணி ...மூடிய தொற "

"டேய்..இட்லி செய்யும் போது இட்லி கருகுமா டா "

"நான் அந்த மாதிரி பாத்ததே இல்லையே "

"சரி எனக்கு ஒரு டவுட்.. இட்லி எப்படிடா வேகும் .. "

"ஆவியிலே "

"எதிலேர்ந்து டா ஆவி வரும் "

"சுடுகாட்ல இருந்து "

"அப்ப நாம இட்லி குக்கர சுடுகாட்ல கொண்டு போகணுமா.. மவனே நீ ஏதோ சொதப்பி இருக்கே ,..கேக்றதுக்கு மட்டும் பதில் சொல்லு "

"ஆவி, தண்ணி கொதிக்கும் போது வரும் டா "


"அப்ப ஏன்டா இட்லி குக்கர்ல தண்ணி வைக்கணும்னு நீ சொல்லல "

"அது.. அது..அது .."

"டேய்.. என்னடா தல டயலாக்லாம் சொல்ற.... மவனே உன் ரூம்ல நாக்க தொங்க போட்டு வந்து நின்னது பக்கத்துக்கு வீட்டு நாய் தான்னு உண்மை தெரிஞ்சு போச்சு.. மேனகா காந்தி கிட்ட சொல்லி உன்னல்லாம் மிருக வதை சட்டத்துல உள்ள போடணும் டா.... எத வேணா தாங்கிப்பேன் ஆனா எதுவுமே தெரியாம எல்லாம் தெரிஞ்ச மாதிரி எனக்கு சொல்லி கொடுத்தியே..அத மட்டும் என்னால மன்னிக்க முடியாது "

"டேய் ..டேய் .. வேணாம் டா.. இந்த டெக்னிக்க வச்சு தான் இவளோ நாள் IT ல தாக்கு பிடிச்சுருக்கேன்.. நீயும் பாலோ பண்ணு யூஸ்புல்லா இருக்கும்"

4 comments:

Mohan said...

super! Good Comedy! Keep it up!...

VISA said...

G
N
I
V
O
R
P
M
I

Rajiv Rengasamy said...

Dear Manu,
A incident very similar to this happened for me..but i never realized the immense fun in that till i read your Idly story.....Supernga...

உள்ளத்தில் இருந்து.. said...

//super! Good Comedy! Keep it up!...//

வருகைக்கும் பின்னூட்டத்துக்கும் நன்றி மோகன்

//IMPROVING//

நன்றி விசா.

//Dear Manu,
A incident very similar to this happened for me..but i never realized the immense fun in that till i read your Idly story.....Supernga...//

நன்றி ராஜிவ்.

Post a Comment

நல்லதோ கெட்டதோ ஏதாவது சொல்லிட்டு போங்க :)